Архив событий

Атырау қаласының мамандандырылған әкімшілік сотымен Атырау облысының ішкі істер департаментінде «Көліктегі әкімшілік құқық бұзушылық» және  ӘҚБтК-нің 608 бабында көзделген әкімшілік құқық бұзушылық туралы істер бойынша қыбылданған жеке қаулылар» тақырыбында дөңгелек үстел өткізілді.

Дөңгелек үстелге Атырау қаласының мамандандырылған әкімшілік сотының төрағасы Ж.Жаксылык, әкімшілік сот судьялары және Атырау ҚІІБ-нің қызметкерлері қатысты.

Атырау қаласының мамандандырылған әкімшілік сотының судьясы Ж.Хабаров «Қазақстан-Атырау» 100.2.ҒМ радиосына эфирге шығып, «Көліктегі әкімшілік құқық бұзушылықтар» тақырыбында сұхбат берді.

Сұхбат барысында судья Хабаров әкімшілік құқық бұзушылықтар үшін сотпен тағайындалатын әкімшілік жаза түрлерін айтып, көп жағдайда әкімшілік құқық бұзушылық туралы кодексінің 30-тарауы көліктегі жол шаруашылығындағы әкімшілік құқық бұзушылықтар бойынша жауапқа тартылатындығына тоқталды.

Махамбет аудандық орталық кітапханасында «Сыбайлас жемқорлықпен күресу - баршаның міндеті» тақырыбында аудандық соттың бас мамандары А.Утеулиеваның және А.Досмағамбетованың, аудандық Әділет басқарамасының жетекші маманы М.Искужинаның қатысуымен кітапхана мамандары мен тұрақты оқырмандар арасында кездесу өткізілді.