Махамбет аудандық сотымен Қазақстан Республикасының Әкімшілік құқық бұзушылық туралы кодексінің 434-бабының 1-бөлігімен Б.Т.-ға қатысты әкімшілік құқық бұзушылық туралы ісі қаралған.
Құқық бұзушы Б.Т., Бейбарыс ауылындағы Төлеби көшесі бойында мас күйінде келе жатып қолындағы сыраның бос шыны бөтелкені белгіленбеген қоғамдық орында лақтырып, ортақ пайдаланатын орындарды ластап, ұсақ бұзақылық әрекеттерін жасаған.
Атырау қаласының №2 сотының тергеу судьясы Индер ауданық Ішкі істер аға тегеушісі А.Б.-ға қатысты «күзетпен ұстау» түріндегі бұлтартпау шарасына санкция берді.
Тергеу дерегінше, полицей қылмыстық қудалауға ұшыраған баланың әкесінен қылмыстық істі тоқтату үшін 90 мың теңге пара алған. Сондай-ақ ол баласының үстінен қылмыстық іс қозғалғаны туралы оқу орнына хат жібермеуге уәде еткен.
Антикоррупциялық қызмет Департаментінің қызметкерлері оны пара алу үстінде құрықтаған.
Атырау облысының қылмыстық істер жөніндегі мамандандырылған ауданаралық сотында Жылыой ауданындағы кісі өліміне қатысты қылмыстық іс бойынша төрт адам сотталды.
Құрманғазы аудандық сотында 2017 жылғы 22 тамызда талап қоюшы А. жауапкер С. неке бұзу туралы азаматтық ісі қаралды. Талап қоюшы А. сот барысында жауапкер С-мен келісуге ниетті екендігін, ал жауапкер С. некені бұзуға қарсылық білдіріп, талап қоюшымен татуласқысы келетінін айтты.
Тараптар азаматтық істі медиация тәртібімен қарауды және ұсынылып отырған медиация шартын бекітуді сұрады.
Атырау облыстық соты