Атырау облысының кәмелетке толмағандардың істері жөніндегі мамандандырылған ауданаралық сотының судьясы Ғизатолла Отарұлы облыстық телеарнаның тікелей эфирінде «ТОйдағы балалар» тақырыбындағы «Назар» ток-шоуына қатысты.
Өз сөзінде судья Ғ.Отарұлы ювеналдық сотпен кәмелетке толмағандардың құқықтары, заңды мүдделері мен бостандықтарын қорғау бойынша жүргізілетін жұмыстар туралы айтып өтті.
Атырау облысының Индер аудандық сотының төрағасы Д.Тухфатова, Индер аудандық ІІБ-нің бастығы И.Султанов, аудан прокуроры А.Жумабеков өзара ынтымақтастық туралы Меморандум жасақтады.
Индер аудандық сотының төрағасы Д.Тұхфатова өз сөзінде Меморандумның негізгі мақсаты азаматтардың мүддесі үшін қылмыстық процесстің тиімділігін арттыруда ынтымақтастықты нығайту, қылмыстық процестің ашықтығын, жеделділігін, электрондық құжат айналымын арттыру болып табылатынын атап айтты.
Атырау облысының Қызылқоға аудандық сотында жүк көлігінің мас жүргізушісіне қатысты әкімшілік іс қаралды.
Құқықбұзушы А.М. автокөлік құралын басқару үшін сәйкесінше санаты жоқ бола тұра, 2017 жылдың тамыз айында Тасшағыл селосында «КАМАЗ» автокөлігін масаң күйде басқарған. Сонымен қатар, ол бір үйдің ауласына кіріп кетіп, қоршауын құлатқан.
Сот отырысында құқықбұзушы өз кінәсін мойындады.
Атырау облысының Құрманғазы аудандық сотындаталап қоюшы С.-ның жауапкер К. араларындағы некені бұзу туралы азаматтық ісі қаралды.
Ерлі-зайыптылар арасында қызғаныш салдарынан жанжал пайда болып, отбасылық ұрыс-керіс болған. Шектен шыққан жанжал салдарынан талап қоюшы некені бұзу туралы талабымен сотқа жүгінген.
Атырау облыстық соты