Қоғамдық орында былапыт сөз айтқан азаматшаға айыппұл салынды

Атырау облысының Махамбет аудандық сотында Қазақстан Республикасының ӘҚБтК-нің 434-бабының 1-бөлігі бойынша А.-ға қатысты әкімшілік іс қаралды.

Сотта анықталғандай, азаматша А. Махамбет селосындағы дүкен жанында жәбірленуші И.-ға былапыт сөйлеп, айналасындағыларға сыйламаушылық білдіріп, қоғамдық тәртіпті бұзып, ұсақ бұзақылық әрекетін жасаған.

Сот отырысында азаматшаА. кінәсін мойындап, кешірім сұрады.

Сот А.-ның асырауында кәмелетке толмаған балалары барын және жәбірленушінің талабы жоғын ескере отырып, оған қысқартылған тәртіппен 51 688 теңге әкімшілік айыппұл жазасын тағайындады.

Сот қаулысы заңды күшіне енді.

(Сурет ғаламтордан алынды).