Жарияланымдар

Қазақ заңгерлері когортасының көшбасшысы – Салық Зиманұлының туғанына биыл 100 жыл. Осы қарапайым да айбарлы есімді білмейтін, құрметтемейтін адам алты алашта жоқ десем, асыра айтқандық емес. Бабаларымыз ғасырлар бойы армандаған тәуелсіздігіміздің тұғырлы болуына, оның Ата Заңының қабылдануына өлшеусіз үлес қосқан заңгер-ғалым С.Зимановты еліміздің сот, прокуратура, құқық қорғау органдарының қызметкерлері өздеріне ұстаз, ақылшы аға деп қабылдайды.

«Болашаққа бағдар: рухани жаңғыру» мақаласында ұлттың табысты болуы табиғи байлығымен емес, адамдарының бәсекелік қабілетімен айқындалатыны айтылған. Сол себепті, «Цифрлы Қазақстан», «Үш тілде білім беру», «Мәдени және конфессиялық келісім» сияқты бағдарламалар – ұлтымызды ХХІ ғасырдың талаптарына даярлаудың қамы десек шындықтан ұзамаймыз. Сол үшін барлық саланы талапқа сай жаңғыртып отыру маңызды.

Атырау облысы бойынша Соттар әкімшісінің ақпараттық қамтамасыз ету бөлімінің басшысы Боранбай Ғалиевтің зейнетке шығуына байланысты салтанатты жиын өтті. Оған облыстық соттың ұжымы, бейнебайланыс арқылы аудандық және оларға теңестірілген соттардың төрағалары мен судьялары, Жоғарғы Соттың Коммуникация орталығының өкілдері қатысты.

Деректер мен дәйектерге көз жүгіртсек, республикамызда ресми тіркелген әрбір үшінші неке бұзылады екен. Бұл өте көп. Некені бұзу дегеніміз ерлі-зайыптыларды екіге айыру емес, бұл жерде ең көп зардап шегетіндер – балалар. Олардың ата-анасының ажырасуынан алған психологиялық соққысы тез жазыла қоюы екіталай. Ажырасу – балалардың болашақ тағдырына да кері әсерін тигізіп, теріс жолға түсуіне итермелейтіні бүкпесіз шындық.

Алаяқ қылмысты басқа адамның сенімін теріс пайдаланып, алдау арқылы оның мүлкін, ақшасын жымқыру немесе бөтен мүлікті құқықты иемдену арқылы жасайды. Алаяқтар көбінесе шешендік дарыны бар, өтірікті шындай етіп жеткізетін айласы басым адамдар. Олар тез әрекет етіп, құрбанының ойлануына, басқадай ақпарат алуына мүмкіндік бермейді. Жылдам шешім қабылдау қажет болғандықтан, зардап шегуші оның ұсынысын қабылдауға мәжбүр болады. Көбінесе жапа шеккен адамдар өздерінің не істеп жүргенін түсінбей қалады.