Бс, 18/05/2017 - 16:48
Құлсары қаласы тұтынушылардың құқықтарын қорғау басқармасымен тексеру тағайындау туралы актісіне сәйкес, Құлсары қаласының жеке кәсіпкері Т.-ға берілген Халықтың санитариялық-эпидемиологиялық саламаттылығы саласындағы Қазақстан Республикасының заңнамасының талаптарын бұзушылықтарды жою туралы ұйғарым талаптарының орындалуына бақылау жүргізілген.
Нәтижесінде Қазақстан Республикасының заңнамасын бұзушылықтарды жою жөнінде ұйғарым бойынша жеке кәсіпкер Құлсары қаласындағы Беркад базарындағы №137 дүңгіршегінде кемшіліктер толығымен жойылмағаны анықталып, оған қатысты Қазақстан Республикасының ӘҚБтК-нің 462-бабының 3-бөлігімен әкімшілік құқық бұзушылық туралы хаттамасы толтырылған.
Атырау облысының Жылыой аудандық сотының қаулысымен құқықбұзушы жеке кәсіпкер Т. Қазақстан Республикасының ӘҚБтК-ң 462-бабының 3-бөлігімен кінәлі деп танылып, мейрамхана қызметі бір айға тоқтатылып, 100 айлық есептік көрсеткіш мөлшерінде айыппұл салынды.