Дс, 11/09/2017 - 15:10
Атырау облысының қылмыстық істер жөніндегі мамандандырылған ауданаралық сотында педофилға қатысты үкім шықты.
Сот талқылауы барысында анықталғандай, 2017 жылдың 17 сәуірі күні Атырау қаласы, Мирный ауылында мас күйдегі К. үйдің жанындағы 9 жасар Э.-ны көреді. Содан оны ұстап алып, қорыққан қызды бейіт жаққа апарып, оны зорламақшы болған.
Алайда қыз зорлықшыдан қашып құтылып, үйіне қарай жүгірген.
К.-нің кінәсі сот тергеуі кезінде зерттелген дәлелдемелермен және куәлардың жауаптарымен дәлелін тапты.
Іс алқабилердің қатысуымен қаралды.
Сот үкімімен, сонымен қатар алқабилер вердиктімен К. Қазақстан Республикасының ҚК-нің 24-бабының 3-бөлігімен, 120-бабының 4-бөлігімен (көрінеу жас баланы зорлауға оқталу) кінәлі деп танылып, оған 15 жыл мерзімге бас бостандығынан айыру жазасы тағайындалды. Жаза өтеу орны ретінде қылмыстық-атқару жүйесінің қауіпсіздігі барынша жоғары мекемелері (қатаң режим) белгіленді.
Сот үкімі заңды күшіне енген жоқ.