Кәмелетке толмаған 6 жастағы бала анасының тәрбиесіне қайтарылды

Атырау облысының кәмелетке толмағандардың істері жөніндегі мамандандырылған ауданаралық сотында кәмелетке толмаған балалардың құқықтарын қорғау жөніндегі міндеттері жүктелген органының азаматша К.-ны кәмелетке толмаған балаларына қатысты ата-аналық құқығынан айыру туралы азаматтық ісі қаралды.

Сотта анықталғандай, азаматша К.-ның асырап бағуында 10 және 6 жасар екі кәмелетке толмаған балалары барлығы, 10 жастағы  үлкені әжесінің тәрбиесінде, ал 6 жастағы кішісі Атырау облысының кәмелетке толмағандарды бейімдеу орталығына орналастырылған.

Балаларына қатысты ата-аналық құқығынан айыру туралы мәселені шешуде сот кәмелетке толмаған балалардың анасының өз ата-аналық міндеттерін орындаудан жалтармайтынын, балаларынан бас тартпайтынын, спирт ішімдіктерін пайдаланбайтынын, жұмыс жасайтынын анықтаған.

Сот шешімімен талап арыз қанағаттандырусыз қалдырылды.

Сот шешімі заңды күшіне енген жоқ.