Бс, 01/06/2017 - 14:25
Атырау облысының Қызылқоға аудандық сотында Қазақстан Республикасының ӘҚБтК-нің 200 бабының 3 бөлігі бойынша азаматша А.О-ға қатысты әкімшілік іс қаралды.
Құқықбұзушы А.О. Миялы селосында орналасқан супермаркетте этил спиртінің көлемді үлесі 40 пайызды құрайтын 6 дана «Тайга» алкоголь өнімін бөлшек сауда арқылы өткізген. Қызылқоға АІІБ қызметкерлерімен аталған алкоголь өнімінің сағат 21-ден келесі күнгі сағат 12-ге дейін бөлшек сауда арқылы өткізілгені анықталды.
Сот қаулысымен А.О. Қазақстан Республикасының ӘҚБтК-нің 200 бабының 3 бөлігімен кінәлі деп танылып, оған алкоголь өнімдерінің бөлшек саудасымен айналысу қызмет түріне лицензияның қолданысын 10 күнге тоқтата тұрып, 15 883 теңге әкімшілік айыппұл салу түріндегі әкімшілік жаза қолданылды.