жм, 10/03/2017 - 17:06
Атырау облысының Жылыой аудандық сотында ұрлық жасады деп айыптау бойынша азамат К.-ға қатысты қылмыстық іс медиация тәртібінде қаралды.
Сот анықтағандай, азамат К. 2016 жылдың желтоқсан айында «Ақтөбе - Маңғышлақ» жолаушылар поезының №16 вагонында жолаушы болып келе жатырған жәбірленуші Б.-ның ас ішетін стол үстінде тұрған «Самсунг» маркалы ұялы телефонын ұрлап алып, вагоннан түсіп, жәбірленуші Б.-ға 50 000 теңге материалдық шығын келтірген.
Сотқа жәбірленуші сотталушымен медиация тәртібімен татуласуына және келтірген зиянды толық өтеуіне байланысты қылмыстық істі тоқтату туралы өтінішхат түсті.
Сот қаулысымен К.-ға қатысты қылмыстық іс медиация тәртібімен және келтірілген материалдық шығынды өтеуіне байланысты Қазақстан Республикасының ҚК-нің 68-бабының 1-бөлігімен (татуласуға байланысты қылмыстық жауаптылықтан босату) қысқартылды.