Масаң күйінде көлік жүргізгені үшін бас бостандығынан айырылды
Атырау қаласының №2 сотында Қазақстан Республикасы ҚК-нің 346-бабының 1-тармағы (көлік құралдарын басқару құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы) бойынша сотталған К.-ға қатысты қылмыстық іс қаралды.
Сотта анықталғандай, К. Атырау қаласының мамандандырылған әкімшілік сотының 2019 жылғы 26 желтоқсандағы қаулысымен 5 жыл мерзімге көлік құралын басқару құқығынан айырыла тұра, «ВАЗ 21101» маркалы автокөлігін «орта» дәрежедегі алкогольдік масаң күйде басқарған.