2016 жылдың 27 мамырында сағат 10.00-ден 12.00-ге дейін Атырауе облыстық сотының төрағасы Марғұлан Жұбанышұлы Бектұрғанов сот жүйесінің ашықтығын, жариялылығын және қолжетімділігін қамтамасыз ету мақсатында облыс тұрғындары үшін интернет-конференция өткізеді.
Атырау қалалық сотында сот мамандарымен жедел мәжіліс өткізілді. Жедел мәжілісті кеңсе меңгерушісі З.Хамидуллина жүргізді. Жедел мәжілісте сот кеңсесінде кіріс-шығыс қағаздардың тіркелуі, сот мұрағатының, азаматтық талдау бөлімінің, бас маман сот отырысы хатшысының жұмысының жүргізілуі талқыланды.
Атырау қаласының №2 соты Атырау қаласы ішкі істер басқармасының екі бірдей полицейіне қатысты қылмыстық істі қарады.
Тергеу дерегіне сәйкес, олар 2015 жылдың шілде айынан бастап Атырау қаласында жүрген Өзбекстан Республикасының азаматтарын ұстап, өздерін көші-қон полициясы қызметкерлері ретінде таныстырып, оларды қорқытып ақшалары мен ұялы телефондарын ашық тонаған.
Сөйтіп, олар бірнеше рет Өзбекстан Республикасының 5 азаматын заңсыз ұстап, олардан 800 мың теңгеден астам қаржыны жымқырып алған.
Атырау облысының Мақат аудандық сотында Қазақстан Республикасының ҚК-нің 296-бабының 2-бөлігімен сотталушы А.Н.-ға қатысты қылмыстық теріс қылық ісі қаралды.
Сотталушы А.Н. 2016 жылдың наурыз айында «Алматы – Атырау» бағытындағы жолаушылар поезының №3 вагонында отырып, өзінің қол сөмкесінде «гашиш» түріндегі есірткі затын сақтаған. Сотталушының түсінігі бойынша аталған есірткі затын өзінің жеке басының пайдалануына байланысты сақтаған.
Атырау облысының Махамбет аудандық сотында Қазақстан Республикасының ҚК-нің 196 бабының 1 бөлігімен сотталушы С.Б-ға қатысты қылмыстық теріс қылық туралы ісі қаралды.
Сотталушы С.Б. 2016 жылдың наурыз айында өзінің басқаруындағы «Ваз 2121» маркалы автокөлігімен «Жайық» өзенінің жағалауына барып, сол жерден өзіне бұрын таныс емес екі қазақ жігіттерінен жалпы салмағы 260 килограммм болатын «құты» қара балықтарын көрінеу қылмыстық жолмен табылғанын біле тұра заңсыз сатып алып иемденген.
Атырау облысының Қызылқоға аудандық сотында қатысты Қазақстан Республикасының ӘҚБтК-нің 463 бабының 1 бөлігімен құқықбұзушы К.А.-ға қатысты әкімшілік іс қаралды.
Атырау қаласының мамандандырылған әкімшілік сотында Қазақстан Республикасының ӘҚБтК-нің 490 бабының 1 бөлімінің 3 тармақшасымен Т-ға қатысты әкімшілік іс қаралды.
Азамат Н.Н. 2016 жылдың ақпан айында Атырау облысы Құрманғазы ауданы Ганюшкин ауылында «ВАЗ-21012» маркалы автокөлігін, көлік құралдарын басқару құқығы жоқ бола тұра басқарып келе жатып, ішкі істер полиция қызметкерлерімен тоқтатылып, белгілінген тәртіпке сәйкес алкогольден масаң күйін куәландырудан өту туралы заңды талабын орындаудан бас тартқан.
Атырау облысының Құрманғазы аудандық сотының қаулысымен Ж.Г. Қазақстан РеспубликасыныңӘҚБтК-нің 73-бабының 1-бөлігімен кінәлі деп танылып, оған осы баппен қамаққа алу жазасы тағайындалды.
Ж.Г.2016 жылдың мамыр айында алкогольден масаю күйінде өзінің Ганюшкин ауылы Елемесов көшесінде орналасқан үйінде жұбайы А.Г.-ға тиісіп, былапыт сөздермен тілдеп, жанұя тыныштығын бұзған.
Сот отырысында Ж.Г. өз кінәсін жартылай мойындап, үйіне арақ ішкен күйде келгенін, алайда жұбайына тиіспегендігін көрсетті.
Атырау облыстық соты